समाचार

बैशाख २, रत्ननगर । तस्विर कोमल चन्द्र भगत ।  चितवनमा शनिबारबाट सुरु भएको २९औं वन्यजन्तु सप्ताह सप्ताह अन्तर्गत आइतबार टिकौलीमा राजमार्गको दायाँबाया सरसफाई गरिएको छ । टिकौली मध्यवर्ती सामुदायिक वनको आयोजनामा भएको कार्यक्रममा टिकौली जंगलको रत्ननगर खण्डको दुबै तर्फ सरसफाई गरिएको हो । कार्यक्रममा सहभागी संरक्षणकर्मी, जनप्रतिनिधि तथा सरसफाई अभियान्ताहरुले राजमार्गको वरिपरी जथाभावि फालेका प्लाष्टिक र सिसा जन्य फोहोर संकलन गरी व्यवस्थापन गरिएको थियो । संकलित फोहोर सफा उर्जा उत्पादन प्रा।लि।ले व्यवस्थापन गरेको हो ।

वडा नं ९ का वडाध्यक्ष अनन्त अधिकारी प्रमुख अतिथि रहेको सो कार्यक्रममा मृगकुञ्ज मध्यवर्ती उपभोक्ता समितिका अध्यक्ष दुर्गाप्रसाद घिमिरेले टिकौली जंगलमा जथाभावि फालेको फोहोरले वन्यजन्तुलाई गम्भीर असर परेको भन्दै जैविका विविधताको संरक्षणको लागि सरसफाई गरिएको बताए । उनले सप्ताहमा संरक्षणमा दीर्घकालिन प्रभाव पर्ने प्रकृतिका कार्यक्रमहरु आयोजना गरिएको बताए । वनका उपाध्यक्ष टिकाराम आचार्यको अध्यक्षतामा भएको सो कार्यक्रममा वर्ड एजुकेशन सोसाइटीका अध्यक्ष टिकाराम गिरीले वन्यजन्तु सप्ताहको महत्वका बारेका प्रकास पारेका थिए । वनकी सचिव शान्ति रिजालले सञ्चालन गरेको सो कार्यक्रममा कोषाध्यक्ष राधा पौडेल सुवेदीले स्वागत मन्तव्य राखेकी थिइन् । सप्ताह व्यापी कार्यक्रम अन्तर्गत बैशाख ३ गते चरा अबलोकन, ४ गते वन्यजन्तु संरक्षण मुलक विद्यालय स्तरीय चित्रकला प्रतियोगिता, सोही दिन वन्यजन्तु र मानिस बीचको सहअस्थित्व सम्बन्धी विद्यालय स्तरीय बक्तृत्वकला प्रतियोगिता, ५ गते डुंगा सयर, ६ गते वन,वन्यजन्तु र बाताबरण संरक्षणमुलक सचेतना रयाली गरिने छ । सप्ताहको अन्तिम दिन बैशाख ७ गते वन, वन्यजन्तु तथा जैविक विविधता संरक्षणमा सम्भावना र चुनौती विषयक अन्तक्र्रिया र संरक्षणमा योगदान दिएकाहरुलाई विभिन्न विधामा सम्मान गरिने बाघमारा मध्यवर्ती उपभोक्ता समितिका अध्यक्ष जीतबहादुर तामाङले जानकारी दिए । मृगकुञ्जको अगुवाईमा निकुञ्ज, स्थानीय सरकार, राष्ट्रिय प्रकृति संरक्षण कोष सहित सामुदायिक वन, सौराहाको पर्यटनसंग सम्बन्धित संघसंस्था गरी २६ वटा संघसंस्थाको सहकार्यमा सप्ताह सुरु भएको हो ।

१ वैशाख, रत्ननगर । तस्विर : कोमल चन्द्र भगत । चितवनमा शनिबार देखि २९औं वन्यजन्तु सप्ताह सुरु भएको छ । संरक्षणकर्मीलहरुले नयां वर्षको दिन विधिवत् रुपमा उद्घाटन गरेका छन् । हरेक नयाँ बर्षको पहिलो साता वन र वन्यजन्तु संरक्षणमा दीर्घकालिन प्रभाव पार्ने कार्यक्रम गरी वन्यजन्तु दिवस मनाउदै आएका छन् ।

मृगकुञ्ज मध्यवर्ती उपभोक्ता समितिको अगुवाइमा सौराहामा सप्ताहको २९औं संस्करणको विधिबत उद्घाटन गरिएको छ । यस बर्षको वन्यजन्तु सप्ताहको नारा वन्यजन्तुको संरक्षण ः पर्यापर्यटन र आयआर्जन रहेको छ । मृगकुञ्जका अध्यक्ष दुर्गाप्रसाद घिमिरेले मध्यवर्तीका जनतामा जीविकोपार्जनको आधार तयार नगर्दा सम्म उनीहरुलाई संरक्षणमा क्रियाशिल बनाउन उत्तिकै चुनौती रहेको बताउनुभयो। मध्यवर्तीको अबधारण अनुसार आयआर्जन र जीविकोपार्जनका गतिविधि प्रभावकारी नभएपछि मध्यवर्ती उपभोक्ता समितिले गर्ने काम समेत ओझेलमा पर्ने गरेको अध्यक्ष घिमिरेले बताउनुभयो । अहिले वन्यजन्तु संरक्षणको सम्भावना र चुनौतीको विषय स्थिर अबस्थामा रहेको छ । यस पटकको सप्ताहमा दीगो संरक्षणका लागि पर्यटन मार्फत जीविकोपार्जनको आधार तयार गर्ने गरी योजना बनाइएको अध्यक्ष घिमिरेको भनाई छ । कृषिलाई संस्कृतिसंग र संस्कृतिलाई पर्यटनसंग जोडेर समुदायको जीविकोपार्जनमा सघाउदै काम गरेको घिमिरेले बताउनु भयो । त्यस्तै कृषि, संस्कृति र सीप विकासलाई संगसंगै अगाडि उहांको भनाइ छ ।

अध्यक्ष घिमिरेले थारु महिलाहरुलाई उनीहरुको नृत्य प्रशिक्षण र टिकौलीका महिलाहरुलाई पन्चेबाजा तालिम दिने बताउनुभयो । कार्यक्रमका प्रमुख अतिथि रत्ननगर नगरपालिका वडा नं ५ का वडाध्यक्ष वालकृष्ण चापागाईँले दीगो संरक्षणका लागि चितवन राष्ट्रिय निकुञ्ज र मध्यवर्तीसंग सहकार्य गर्न स्थानीय सरकार हरदम तयार रहेको बताउनुभयो । सप्ताह व्यापी कार्यक्रम अन्तर्गत बैशाख २ गते टिकौली सडक वरपर सरसफाई, ३ गते चरा अबलोकन, ४ गते वन्यजन्तु संरक्षण मुलक विद्यालय स्तरीय चित्रकला प्रतियोगिता, सोही दिन वन्यजन्तु र मानिस बीचको सहअस्थित्व सम्बन्धी विद्यालय स्तरीय बक्तृत्वकला प्रतियोगिता, ५ गते डुंगा सयर, ६ गते वन,वन्यजन्तु र बाताबरण संरक्षणमुलक सचेतना रयाली गरिने छ । सप्ताहको अन्तिम दिन बैशाख ७ गते वन, वन्यजन्तु तथा जैविक विविधता संरक्षणमा सम्भावना र चुनौती विषयक अन्तक्र्रिया र संरक्षणमा योगदान दिएकाहरुलाई विभिन्न विधामा सम्मान गरिने मृगकुञ्जका अध्यक्ष घिमिरेले बताउनुभयो।

मृगकुञ्जको अगुवाईमा निकुञ्ज, स्थानीय सरकार, राष्ट्रिय प्रकृति संरक्षण कोष सहित सामुदायिक वन, सौराहाको पर्यटनसंग सम्बन्धित संघसंस्था गरी २६ वटा संघसंस्थाको सहकार्यमा सप्ताह सुरु भएको बाघमारा मध्यवर्ती उपभोक्ता समितिका अध्यक्ष जीतबहादुर तामाङले बताउनुभयो। उद्घाटन कार्यक्रममा वडा नं ७ का कार्यबहाक वडाध्यक्ष सुर्यबहादुर तामाङ, चितवन राष्ट्रिय निकुञ्जका रेज्नर अक्षय चौधरी, राष्ट्रिय प्रकृति संरक्षण कोष सौराहाका प्रमुख डा.मधु केसी, वर्ड एजुकेशन सोसाइटीका अध्यक्ष टीका गिरी लगायतले मन्तव्य राख्नुभएको थियो ।

१ वैशाख, चितवन । चितवन । चितवनको रत्ननगर नगरपालिका वडा नं ८ गैँडाको आक्रमणबाट एक जना नेचर गाइडको मृत्यु भएको छ ।

रत्ननगर–८ स्थित रहेको एक जंगलमा गोरखा आरुघाट गाउँपालिका–८ पोखरी घर भई हाल रत्ननगर–६ सौराहाको जंगल वर्ड रिसोर्टमा नेचर गाइडको काम गर्ने ३३ वर्षीय सुवास रेग्मीको मृत्यु भएको प्रहरीले जानकारी दिएको छ ।

शनिबार दिउँसो करिब ११ः५० बजेको समयमा गैँडाले एक्कासी आक्रमण गर्दा रेग्मी गम्भीर घाइते भएका थिए । उनको चितवन मेडिकल कलेजमा उपचारको क्रममा दिउँसो १ः३९ बजे मृत्यु भएको जिल्ला प्रहरी कार्यालय चितवनका प्रवक्ता श्रीराम भण्डारीले जानकारी दिए ।