सौराहामा गएराति घरपालुवा हात्तीमाथि धारिलो हतियार प्रहार गरि सुंड काटियो
चैत २२, सौराहा ।
चितवनको पर्यटकीय नगरी सौराहामा गएराति घरपालुवा हात्तीमाथि धारिलो हतियार प्रहार गरि सुँड काटिएको छ । अज्ञात व्यक्तिले राति करिब साढे ११ बजेतिर हात्तीमाथि आक्रमण गरेको मालिक दिपक खतिवडाले जानकारी दिए । अज्ञात व्यक्तिले हात्तीको सुडमा हतियार प्रहार गरी सुँड दुई टुक्रा बनाएको खतिवडाले बताए । खतिवडाको ४५ वर्षिय चनचनकली नामको हात्तीलाई घरमा आएर आक्रमण गरीएको हो। हात्ती पीडाले कराएपछि हेर्न पुग्दा सुँड काटिएको अवस्थामा भेटिएको खतिवडाले बताए। घाईते हात्तीको राष्ट्रिय प्रकृति संरक्षण कोष सौराहाका प्राविधिक किरण रिजालको टिमले अहिले उपचार सुरु गरेको छ । हात्तीलाई मार्ने उद्देश्यले हात्तीको सुँड काटिएको हुन सक्ने अनुमान गरिएको छ । घटना बारेमा चितवन निकुञ्जले अनुसन्धान सुरु गरेको छ ।
