पौष ४, चितवन । तस्विर : कोमल चन्द्र भगत ।
चितवन राष्ट्रिय निकुञ्जले यस वर्षको घडियाल गोही (Gharial) अनुगमन सफलतापूर्वक सम्पन्न गरेको छ। मंसिर २१ देखि २९ गतेसम्म राप्ती र नारायणी नदीमा सञ्चालन गरिएको अनुगमनमा कुल ३६६ घडियाल गोही देखिएका छन्। अनुगमन अनुसार राप्ती नदीमा २३१ र नारायणी नदीमा १३५ घडियाल देखिएका छन्। गत वर्ष ३५२ घडियाल देखिएका थिए। यस वर्ष राप्तीमा ७ र नारायणीमा २ गरी ९ भाले घडियाल अवलोकन भएको छ, जसले प्रजननका दृष्टिले सकारात्मक संकेत दिएको छ साथै, गोलाघाट क्षेत्रमा एक सोंस (डोल्फिन) देखिनुले नदी पारिस्थितिकी प्रणालीमा जैविक विविधता कायम रहेको देखाएको छ।
चितवन राष्ट्रिय निकुञ्ज सन् १९७८ देखि घडियाल प्रजनन् केन्द्रमार्फत संरक्षण तथा प्राकृतिक बासस्थानमा पुनर्स्थापना गर्दै आएको छ। निकुञ्जले आगामी दिनमा पनि घडियालको दीगो संरक्षण र नदी प्रणालीको संरक्षणका लागि सरोकारवाला निकायहरूसँग सहकार्य निरन्तरता दिने जनाएको
