फागुन ०८ ।


नेपाली काँग्रेसका महामन्त्री डाक्टर सशांक कोइरालाले नेकपा एमाले र नेकपा माओवादी केन्द्रबीच एकता हुनु खुसीको कुरा भएको बताउनुभएको छ । दुई ठूला कम्युनिष्ट पार्टीहरु मिलेर एउटै पार्टी बन्दा काँग्रेसलाई चुनौति हुने भएपनि अब आफ्नो पार्टीलाई जोगाएर अगाडि बढ्नुपर्ने कोइरालाले बताउनुभएको हो । आफ्नो निर्वाचन क्षेत्र नवलपुरको गैंडाकोट नगरपालिकामा आयोजना गरिएको विभिन्न कार्यक्रममा सहभागी भएर काठमाडौँ फर्किने क्रममा मंगलबार भरतपुरमा पत्रकारहरुसँग कुराकानी गर्दै कोइरालाले काँग्रेस प्रतिपक्षमा बस्दा संगठित हुनसक्ने बताउनुभयो ।

अब नेपाली काँग्रेसले पनि साना पार्टीहरुलाई काँग्रेसमा प्रवेश गराउँदै पार्टीलाई बलियो बनाउन तर्फ लाग्ने महामन्त्री कोइरालाले बताउनुभयो । राप्रपाका धेरै कार्यकर्ताहरु नेपाली काँग्रेस भित्र आउन चाहेकोले त्यसलाई सहर्स स्वीकार्दै पार्टीमा ल्याउनुपर्ने कोइरालाको भनाइ थियो ।

फागुन ०८ ।


नेकपा माओवादी केन्द्रका अध्यक्ष पुष्पकमल दाहालले एमाले र माओवादी केन्द्रको एकताको महाधिवेशन नहुने बेलासम्म ओली र आफू दुवै जना अध्यक्ष रहने सहमति भएको बताउनुभएको छ । अन्तर्राष्ट्रिय स्तरमा पनि एउटै पार्टीमा दुई जना अध्यक्ष रहने व्यवस्था भएकोले आजदेखि नै दुवैजना पार्टीको अध्यक्ष हुने दाहालले बताउनुभएको हो । प्रेस चौतारी चितवन र प्रेस सेन्टर चितवनले मंगलबार भरतपुरमा आयोजना गरेको पत्रकार सम्मेलनमा बोल्दै अध्यक्ष दाहालले व्यवहारिक र सैद्धान्तिक रुपमा ओली र आफू नेपाल कम्युनिष्ट पार्टीको अध्यक्ष भएको बताउनुभयो ।

पार्टीको महाधिवेशन नहुने बेलासम्म वर्तमान प्रधानमन्त्री केपी शर्मा ओली नै प्रधानमन्त्री रहने र त्यसपछि महाधिवेशनले दिएको म्याण्डेड अनुसार अगाडि बढ्ने सहमति भएको समेत माओवादी केन्द्रका अध्यक्ष दाहालले बताउनुभयो । मन्त्रीमण्डल विस्तारको लागि माओवादी केन्द्रबाट मन्त्रीको नाम प्रधानमन्त्री ओली समक्ष पठाउने तयारी भएको समेत दाहालले बताउनुभयो ।

नयाँ बनेको नेपाल कम्युनिष्ट पार्टीमा अन्य साना दलहरुलाई समेत आउनको लागि आह्वान गरिरहेको माओवादी केन्द्रका अध्यक्ष दाहालले बताउनुभयो । अहिलेसम्म एमालेमा ४७ वटा पार्टी गाभिएको र माओवादीमा ४१ वटा पार्टी गाभिएको उल्लेख गर्दै दाहालले नेत्रविक्रम चन्द र मोहन वैद्यलाई समेत एउटै कम्युनिष्ट पार्टी भित्र आउन आग्रह गर्नुभयो ।


शिशिर सिंखडा
भरतपुर, चितवन, ५ फागुन ।


६८औं राष्ट्रिय प्रजातन्त्र दिवश चितवनमा ३ दिनसम्म भव्य रुपमा मनाइने भएको छ । जिल्ला समन्वय समिति चितवनका प्रमुख कृष्ण कुमार डल्लाकोटीको अध्यक्षतामा बसेको बृहत् बैठकले यहि फागुन ६, ७ र ८ गते भव्य रुपमा प्रजातन्त्र दिवश मनाउने निर्णय भएको हो । जिल्ला प्रमुख डल्लाकोटीको अध्यक्षतामा १ सय ५१ सदस्यीय मुल समारोह समिति समेत गठन गरिएको छ । स्थानीय तहका प्रमुख, प्रमुख जिल्ला अधिकारी, सरकारी कार्यालयका प्रमुखहरु, सुरक्षा निकायका प्रमुखहरु, जिल्ला स्थित राजनीतिक दलका पार्टी प्रमुखहरु, नेपाल पत्रकार महासंघ सहित सदस्य रहेको सो मुल समारोह समितिले जिल्लामा भव्य रुपमा प्रजातन्त्र दिवश मनाउन ३ दिनसम्म साँझ दिपावली गर्ने समेत निर्णय गरिएको जिल्ला समन्वय समिति चितवनका प्रमुख डल्लाकोटीले जानकारी दिए । प्रजातन्त्र दिवशको दिन फागुन ७ गते बिहान ७ बजे प्रभातफेरी कार्यक्रमको आयोजना गरिएको र सोही दिन दिउसो खेलकुद विकास समितिको आयोजनामा भरतपुर स्थित कभर्ड हलमा खेलकुद कार्यक्रमको समेत आयोजना गरिएको छ । सो ६८औं प्रजातन्त्र दिवश मुल समारोह समितिले सूचना तथा प्रचार प्रसारको लागि नेपाल पत्रकार महासंघ चितवन शाखालाई सदस्यको रुपमा तोकिएको समेत बताइएको छ ।

फागुन ०४ ।


जिल्ला ट्राफिक प्रहरी कार्यालय चितवनले ट्राफिक सचेतना अभिवृद्धिको लागि विभिन्न जनचेतनामूलक कार्यक्रमहरु गर्दै आएको छ । सडक शिक्षा कार्यक्रमलाई प्रभावकारी रुपमा लागू गर्न सकेमा दुर्घटना न्यूनिकरण हुने भन्दै ट्राफिक प्रहरीले सडकको छेउमा काल्पनिक ट्राफिक प्रहरी बनाएर राखेको छ । भरतपुरको चौबिसकोठी चोकमा महिला ट्राफिक प्रहरी र पुरुष ट्राफिक प्रहरीको डमी निर्माण गरेर राखिएको हो । सडक शिक्षा दिनको लागि विभिन्न उपायहरु अबलम्बन गर्नका लागि डमी राखिएको ट्राफिक प्रहरीले जनाएको छ । टाढाबाट हेर्दा ट्राफिक प्रहरी जस्तै देखिने भएकाले सवारी चालकले आफ्नो सवारी साधनको गति नियन्त्रण गर्ने भएकाले दुर्घटना हुने सम्भावना कम हुने जिल्ला ट्राफिक प्रहरी कार्यालय चितवनका प्रमुख प्रहरी निरीक्षक सन्तोष पन्तले जानकारी दिए । नजिकै पुगेपछि ट्राफिक सन्देश राखेको बोर्ड देख्ने हुनाले त्यो सन्देश सबैले पढ्ने र सचेतना बढ्ने पन्थको भनाइ थियो ।

सवारीको चाप बढी हुने ठाउँमा डमी राख्दा दुर्घटना न्यूनीकरण हुने ट्राफिक प्रहरीको बुझाइ छ । भरतपुरको चौबिसकोठीमा राखिएको डमी विस्तारै अन्य मुख्य सडकमा समेत राख्ने तयारी छ । एउटा डमी किनेर ट्राफिक प्रहरीको स्वरुप दिनको लागि करिब १५ हजार रुपैयाँ खर्च हुने भएकाले अन्य ठाउँमा राख्नको लागि आर्थिक समस्या रहेको ट्राफिक प्रहरीको भनाइ छ ।

फागुन ०८ ।


राष्ट्रपति विद्यादेवी भण्डारीले नेपालको राष्ट्रिय सम्पदाहरुको यथोचित संरक्षण तथा सम्र्वद्धन गर्न आवश्यक रहेको बताउनुभएको छ । चितवनको रत्ननगर ११ जिरौनामा करिब पाँच करोड रुपैयाँको लगानीमा निर्माण गरिएको श्रीकृष्ण प्रणामीको कलात्मक मन्दिरको मंगलबार उद्घाटन गर्दै भण्डारीले मुलुकमा रहेका कला संस्कृती, एतिहासिक सम्पदा, भौगोलिक र जैविक विविधता अमुल्य निधी भएकोले यसको संरक्षण गर्नुपर्ने बताउनुभयो । नेपालका मठमन्दिर लगायतका सांस्कृतिक धार्मिक सम्पदाले हाम्रो मौलिकता उजागर गरेको भण्डारीको भनाइ थियो ।

मन्दिर उद्घाटन समारोहलाई सम्बोधन गर्दै राष्ट्रपति भण्डारीले सडक सञ्जालको केन्द्रबिन्दुको रुपमा रहेको नारायणगढ मुग्लिङ सडक खण्डमा दुर्घटना बढेको र जनधनको क्षती भइरहेको प्रती चिन्ता व्यक्त गर्नुभएको थियो । उक्त सडकको स्तरोन्नती यथाशीघ्र गर्नुपर्ने समेत भण्डारीको भनाइ थियो ।


फागुन ४ ।


नयां प्रविधिको प्रयोग गर्दै दुध उत्पादनमा लागत कम गर्नुपर्ने सरोकारवालाहरुले वताएका छन् । राष्ट्रिय व्यवसायीक पशुपालन तथा दुध उत्पादक कृषक समाज नेपाल माडिले शुक्रबार माडिमा आयोजना गरेको माडीमा व्यवसायीक पशुपालनको सम्भावना, चुनौति र सरोकारवाला निकायको भुमिका विषयक अन्तरक्रिया कार्यक्रममा बोल्ने सरोकारवालाहरुले यस्तो वताएका हुन् । कार्यक्रममा कार्यपत्र प्रस्तुत गर्दै राष्ट्रिय व्यवसायीक पशुपालन तथा दुध उत्पादक कृषक समाज नेपाल माडिका अध्यक्ष सुर्य प्रसाद भुषालले किसानले दुधको उचित मुल्य पाउन नसकेको वताए । राज्यले युवाहरुलाइ स्वदेशमा नै रोजगारीको सिर्जना गर्न नसक्दा जनशक्ति बाहिर गएको उनको भनाइ छ । पशु आहार र हरियो घांसको व्यवस्था नहुंदा दुध उत्पादनमा लागत कम गर्न नसकिएको उनले वताए । भुषालका अनुसार माडिमा १ सय १९ हेक्टर जमिनमा घांसै मैदान रहेको छ । माडी नगरपालिकाका मेयर ठाकुर ढकालले माडिमा पशुपालनको विकासका लागि नगरपालिकाले किसानलाइ ४ प्रतिशत सहुलियत व्याजमा ऋण उपलब्ध गराउने जानकारी दिए । नगरपालिकाको २५ करोड रुपैंया मध्ये ५ करोड रुपैंया कृषि र पशु विकासका लागि छुट्याइएको उनको भनाइ छ । राष्ट्रिय व्यवसायीक पशुपालन तथा दुध उत्पादक कृषक समाजका केन्द्रिय अध्यक्ष आनन्द निउरेले माडिमा अबको ६ महिनाभित्रै पशुपालनको नयां प्याकेज ल्याउने प्रतिवद्धता व्यक्त गरेका छन् । सोहि कार्यक्रममा बोल्दै निउरेले दुग्ध विकास संस्थान किसानमैंत्री बन्न नसक्दा किसानहरुले दुधको उचित मुल्य पाउन नसकेको वताए । दुधको गुणस्तरमा सम्झौता गर्न नहुने भन्दै उनले राज्यले किसानलाइ पशुपालनमा प्रोत्साहन गर्ने किसीमको पोलिसि बनाउनुपर्ने वताए । दुध उत्पादनका आधारमा राज्यले कृषकलाइ अनुदान दिनुपर्ने उनको भनाइ छ । पशु उत्पादन निर्देशनालयका उपसचिव सुरेन्द्र यादवले कम संख्याका गाई वा भैंसीहरुबाट कम लागतमा बढि दुध उत्पादन गर्न सक्ने किसान नै सफल व्यवसायीक किसान बन्न सक्ने वताए ।

फागुन ०१ ।


नेकपा एमालेका वरिष्ठ नेता तथा पूर्व प्रधानमन्त्री माधव कुमार नेपालले यसै हप्तामा नयाँ सरकार निर्माण हुने बताउनुभएको छ । नेकपा एमाले माओवादी केन्द्रसहितको बामगठबन्धनले नयाँ सरकार बनाउन गइरहेको नेपालले बताउनुभएको हो । भरतपुरको पटिहानीमा आयोजना गरिएको अन्तर्राष्ट्रिय महिला भलिबल प्रतियोगिताको समापन गर्दै नेपालले यसै हप्तामा सरकारले आकार ग्रहण गर्ने बताउनुभएको हो ।

सबै प्रकारको निर्वाचन पछाडि देशमा आर्थिक विकास र समृद्धिको अभियान सुरु भएकाले सबैले आ–आफ्नो ठाँउबाट सहयोग गर्नुपर्ने नेपालले बताउनुभयो । ७८ औँ जिल्लाको रुपमा रहेको चितवन मेची महाकाली जोड्ने पुल भएको नेता नेपालको भनाइ थियो । चितवनमा भैरहेको दु्रत विकास अरु जिल्लाका लागि प्ररणाको स्रोत रहेको समेत नेपालले बताउनुभयो ।

More Articles ...