फागुन ११ ।


१३ औं जिल्ला स्तरिय तेक्वान्दो प्रतियोगिता शुक्रबारबाट गितानगरमा शुरु भएको छ । गीतानगर तेक्वान्दो डोजाङको आयोजना र राष्ट्रिय तेक्वान्दो संघ नेपालको समन्वयमा भएको प्रतियोगिता शनिबार सम्पन्न हुने छ । खेलको उद्घाटन गर्दै भरतपुर महानगरपालिका वडा नंं ६ का वडा अध्यक्ष हरि विलास कोइरालाले खेल क्षेत्रको विकासका लागि खेलकुद निती परिवर्तन गर्न आवश्यक रहेको वताए । ऐन संशोधनलाइ लागि निती निर्माताहरु समक्ष पहल गरिने उनले प्रतिवद्धता जनाएका छन् । 
राष्ट्रिय तेक्वान्दो संघ चितवनका अध्यक्ष विकास श्रेष्ठले नेपालमा गणतन्त्र देखि लोकतन्त्र सम्म आइसकेको अवस्थामा पनि खेल जगतले त्यस अनुसार फड्को मार्न नसकेको वताए । विंस. २०४६ देखिका खेलकुद निती पालना गरिराख्नु परेको अवस्था रहेको भन्दै उनले खेलकुदका नयां निती नियम बनाउन जरुरी रहेको वताए । स्वस्थ रहनका लागि पुरुषले दैनिक १५ हजार पाइला र महिलाले दैनिक १० हजार पाइला हिड्नुपर्ने भन्दै स्वस्थ रहनका लागि खेलकुद एकदमै महत्पुर्ण रहने श्रेष्ठको भनाइ छ । 
प्रतियोगितामा चितवनका १४ ओटा र नवलपुरका ४ ओटा गरि १८ ओटा डोजाङको सहभागिता रहेको आयोजकले जनाएको छ । २ सय २५ जना तेक्वान्दो खेलाडी सहभागि हुने प्रतियोगितामा २० देखि ६३ तौलका विभिन्न समुहमा प्रतिस्पर्धा हुने आयोजक गीतानगर तेक्वान्दो डोजाङका सचिव सुरज गोदारले जानकारी दिए । कार्यक्रम गीतानगर तेक्वान्दो डोजाङका अध्यक्ष धन बहादुर तामाङको अध्यक्षतामा भएको हो ।

 

चितवन, फागुन ११–

भरतपुरका कलेजहरुमा पनि ट्राफिक सचेतना मुलक कार्यक्रमको सुरुवात गरिएको छ । शुक्रबार भरतपुरमा रहेका कलेजहरमा ट्राफिक चिन्ह अंकित बोर्ड राखेर ट्राफिक सचेतनाको सुरुवात गरिएको हो ।

कलेजहरुमा अध्ययन गर्ने धेरैजसो विद्यार्थीहरुले ट्राफिक नियमको पालना नगर्ने भएकाले कलेजहरुमा नै ट्राफिक नियम उल्लेखीत बोर्डहरु राखिएको हो । शुक्रबार भरतपुरको अरोमा कलेज, प्रेरणा कलेज, भ्याली स्टेट कलेज, गुरुकुल कलेज, बोस्टन कलेज, सनराईन इङलिस स्कूल, वाल्मीकि शिक्षा सदन, सप्तगण्डकी बहुमुखी क्याम्पस, वीरेन्द्र बहुमुखी क्याम्पस, बालकुमारी कलेज, मैयाँदेवी कन्या कलेजलगायतका कलेजहरुमा ट्राफिक चिन्ह अंकित बोर्ड राखिएको जिल्ला ट्राफिक प्रहरी कार्यालय चितवनका प्रमुख प्रहरी निरीक्षक सन्तोष पन्तले जानकारी दिनुभयो । उहाँले विद्यालयहरुबाट सुरु गरिएको यस अभियानलाई अहिले कलेज स्तरहरुमा सुरु गरिएको बताउनुभयो ।

ट्राफिक प्रमुख पन्तले आगामि दिनमा यस अभियानलाई निन्तरता दिने बताउनुभयो । नारायणगढमा रहेको एक्सपर्ट एजुकेशन एण्ड भिसा सर्भिसेसले ट्राफिक प्रहरीलाई ट्राफिक चिन्ह अंकित बोर्ड हस्तान्तरण गरेको थियो । सो बोर्ड यसअघि भरतपुर र पश्चिम चितवन र पूर्वी चितवनका विभिन्न विद्यालयहरुमा राखिएको थियो ।

फागुन १० ।


भरतपुर फुटबल क्लबलाई घरेलु मैदानमा हराउँदै सशस्त्र प्रहरीको नेपाल एपीएफ क्लब १३ औं विकाश रनिङ शिल्ड आमन्त्रण फुटबल प्रतियोगिताको क्वाटर फाइलनमा प्रवेश गरेको छ । बिहीबार भएको खेलमा नेपाल एपीएफ क्लबले भरतपुर फुटबल क्लबलाई १–० गोल अन्तरले पराजित गरेको हो । प्रतियोगिताको १० मिनेटमा नेपाल एपीएफ क्लबका श्याम नेपालीले गरेको गोल निर्णायक बन्दै एपीएफ क्लबल क्वाटर फाइलन प्रवेश गर्न सफल भएको हो । प्रतियोगिता अवधिभरी सशस्त्रको नेपाल एपीएफल क्लबले गोल हान्ने अवसर पाएको भएपनि उक्त अवसरको राम्रो सदुपयोग गर्न सकेन । बिहीबारको खेलमा नेपाल एपीएफ क्लबका श्याम नेपाली म्यान अफ दी म्याच हुँदै १० हजार रुपैयाँ हात पारेका छन् । विकास शिल्ड समितिको आयोजनामा फागुन ८ गतेदेखि सुरु भएको प्रतियोगितामा १२ टिमको सहभागिता रहेको छ । फागुन १९ गतेसम्म सञ्चालन हुने चितवनको सर्वाधिक धनराशि भएको प्रतियोगिताको विजेताले पाँच लाख रुपैयाँ र शिल्ड तथा उपविजेताले दुई लाख ५० हजार रुपैयाँ पुरस्कार पाउनेछन् । प्रतियोगिता भरीको उत्कृष्ट खेलाडीले ५० हजार रुपैयाँ, म्यान अफ दी म्याच हुने खेलाडीले १० हजार रुपैयाँ तथा फेयर प्ले टिमले २५ हजार रुपैयाँ पुरस्कार पाउनेछन् । त्यस्तै, प्रतियोगिताको प्रिक्वाटर र क्वाटर फाइलनमा विजयी हुने टिमले म्याच बोनस स्वरुप १० हजार रुपैयाँ पाउने आयोजकले जनाएको छ ।

फागुन १० ।


संविधानको अक्षरस पालना नहुंदा सम्म मानवअधिकार संरक्षणको कल्पना गर्न नसकिने मानव अधिकारकर्मीहरुले वताएका छन् । जनअधिकार अभियान नेपाल चितवन शाखाले विहिबार भरतपुरमा आयोजना गरेको वर्तमान राजनितिक परिस्थिति र मानव अधिकारको अवस्था विषयक अन्तरक्रिया कार्यक्रममा बोल्दै नेपाल बार एशोसियसनकी केन्द्रिय सदस्य इन्दु कोइरालाले गलत नजिरको अनुसरण गरेर मानवअधिकारको बहाली गर्न नसकिने वताइन् । राष्ट्रिय सभा सदस्यमा अघिल्लो सरकारले गरेको सिफारिसलाइ वर्तमान सरकारले उल्टाएर गलत नजिर बसालेको उनको तर्क थियो । रुपन्देहीमा भएको घटना दण्डहिनताको पराकाष्ठ भएको उनको भनाइ छ । विभिन्न हत्यामा संग्लन रुपन्देहीका मनोज पुन बुधबार विहान प्रहरी इन्काउन्टरमा मारिएका थिए ।

नेपाल बार एशोसियसन चितवनका पुर्व अध्यक्ष एवं वरिष्ठ अधिबक्ता धर्मराज आचार्यले शान्तिपुर्ण रुपमा गरिएका अँन्दोलनमा धरपकड गर्न नहुने वताए । राज्यले कसैको पनि नैसर्गिक अधिकार कुण्ठित हुने खालका गतिविधि गर्न नहुने भन्दै उनले त्यसो गरिए सरकारका विरुद्ध जाने वताए । मानव अधिकार संरक्षण मञ्च चितवनकी अध्यक्ष कल्पना उप्रेतीले शान्ति र स्थायीत्व हुने ठाउंमा मानव अधिकार कायम राख्न सकिने भन्दै सरकारको ध्यानाकर्षण गरेकी थिइन् । संविधान कार्यान्वयन संगै मानव अधिकारको बहाली हुने उनले विश्वास व्यक्त गरेकी छन् । लोकतान्त्रिक सरकारले अलोकतान्त्रिक कार्य गरेको उनको भनाई थियो । त्यस्तै राष्ट्यि बुद्धिजिबि परिषदका केन्द्रिय सदस्य कृष्ण धिमिरेले वर्तमान सरकारले यस्ता कार्यहरु गर्नु दुखद भएको भन्दै आफना गतिबिधि सुधार गरेर अगाढी बढ्न सरकारलाई आग्रह गरे ।

फागुन ११ ।


चितवन राष्ट्रिय निकुञ्जले आजदेखि गोहीको गणना सुरु गरेको छ । गोहीको अवस्था, संख्या र बासस्थानको बारेमा जानकारी लिनको लागि राप्ती र नारायणी नदीमा गोहीको गणना गरिँदैछ । निकुञ्जका सहायक संरक्षण अधिकृत नुरेन्द्र अर्यालका अनुसार दुई नदीलाई ११ भागमा विभाजन गरेर गोहीको गणना सुरु गरिएको हो । आजदेखि सुरु भएको गोही गणना एक हप्तामा सकिने अर्यालले जानकारी दिनुभयो । राप्तीको लोकतान्त्रिक तालबाट गोलाघाटसम्म तथा नारायणी नदीको गोलाघाटबाट त्रिवेणीसम्म गोही गणना गरिँदैछ । नारायणी नदीमा विभिन्न भङ्गाला रहेका छन् । यसअघि गोही देखिएका ठाउँमा मात्रै गणना गरिने भएको छ । नदी किनारमा र पानी बाहिर टाउको निकालेर बसेका गोहीको एक हप्तासम्म नियमित गणना गरी धेरै संख्या जुन दिन देखिन्छ त्यसैलाई आधिकारिक तथ्याङ्क मानिन्छ । बिहान ७ देखि १० बजेसम्म गोही गणना गरिने सहायक अर्यालले बताउनुभयो । गणनाका लागि एक समूहमा एक जना तथ्यांक लिने व्यक्ति, एक जना डुंगा चालक, एक जना प्राविधिक र मध्यवर्ती क्षेत्रमा स्थानीय चोरी शिकारी नियन्त्रण समूहका व्यक्ति समेत सहभागी छन् । डुंगाको प्रयोगबाट गोहीको गणना हुने गरेको छ । चितवन राष्ट्रिय निकुञ्जका सहायक संरक्षण अधिकृत वेदबहादुर खड्काका अनुसार हालसम्म नेपालका ६ वटा नदीमा एक हजार भन्दा बढी गोही छाडी सकिएको छ ।


फागुन १० ।


भरतपुर खानेपानी व्यवस्थापन बोर्डका कर्मचारीहरुले राखेको विभिन्न दुई सुत्रीय माग पुरा नभए आन्दोलनमा उत्रिने जनाएका छन् । बोर्डका कर्मचारीले विगत पाँच वर्षदेखि पटक पटक लिखित तथा मौखिक रुपमा माग राख्दै आए पनि प्रशासनले आफूहरुको माग बेवास्ता गर्दै आएकोले उनीहरुले आन्दोलनको कार्यक्रमको घोषणा गरेका हुन् । स्वतन्त्र कर्मचारी युनियनले करारमा रहेका कर्मचारीलाई स्थायी गर्नुपर्ने, कर्मचारीहरुलाई विमाको व्यवस्था हुनुपर्ने माग राख्दै आएको छ ।

हेटौँडा खानेपानी व्यवस्थापन बोर्ड र काठमाडौँ उपत्यका खानेपानी लिमिटेडका कर्मचारीहरुले सरह आफूहरुले पनि सेवा सुविधा पाउनुपर्ने भरतपुर खानेपानी व्यवस्थापन बोर्डका कर्मचारीको माग रहेको छ । माग पुरा नभएमा फागुन १८ गतेदेखि २१ गतेसम्म हातमा कालोपट्टी बाँधेर काम गर्ने तथा २२ गतेदेखि कार्यकारी निर्देशकको कार्यकक्ष तथा लेखा शाखामा अनिश्चितकालिन तालाबन्दी गर्ने कर्मचारीहरुले जनाएका छन् । भरतपुर खानेपानी व्यवस्थापन बोर्डले भरतपुरका १९ वटा वडाका २३ हजार चार सय घरधुरीलाई पानी वितरण गर्दै आएको छ । दैनिक एक करोड ८० लाख पानी वितरण गर्ने बोर्डमा विभिन्न तहका गरि ६० जना कर्मचारी रहेका छन् ।

फागुन १० ।


आन्तरीक राजस्व कार्यालय भरतपुरमा यस आर्थिक बर्ष ०७४÷७५ मा ७ हजार बढि करदाता थपिएका छन् । चालु आवको माघ मसान्तसम्म ७ हजार १ सय ७७ जना करदाता थपिएका हुन् । कार्यालयका अनुसार चितवन र नवलपुल जिल्लाबाट गरि हालसम्म ८६ हजार ३ सय २० जनाले पान नम्बर लिएका छन् । यसमध्ये ७४ हजार ५५ जना करदाता मात्रै सक्रिय रहेको आन्तरीक राजस्व कार्यालय भरतपुरले जनाएको छ । सक्रिय करदाताहरुमा ४३ हजार ९ सय ६६ जनाले व्यवसायीक पान नम्बर लिएका छन् भने ३० हजार ८९ जनाले व्यक्तिगत पान नम्बर लिएका छन् । सक्रिय व्यवसायीक पान नम्बर लिने करदाताभित्र भ्याटका ६ हजार ८ सय ७२ जना, शिक्षाका २१ सय ८० जना, अन्तशुल्कका ४ हजार ३ सय २० जना र स्वास्थ्य सेवाका २ सय ३२ जना करदाता समावेश छन् । कार्यालयले दिएको तथ्यांक अनुसार १२ हजार २ सय ६५ जना करदाता निश्क्रिय अर्थात व्यवसाय बन्द गरेका छन् । चालु आवको ७ महिनाको अवधिमा कार्यालयले १० अर्ब ६६ करोड ५१ लाख २५ हजार रुपैंया राजस्व संकलन गरेको छ । लक्ष्य भन्दा ७ प्रतिशत बढि राजस्व संकलन भएको कार्यालयका सुचना अधिकारी डिल्लीराम पौडेलले जानकारी दिए ।

गत आव भन्दा यस आवमा ३२ प्रतिशत राजस्व बढि संकलन भएको आन्तरीक राजस्व कार्यालय भरतपुरका सुचना अधिकारी पौडेलको भनाइ छ । आर्थिक बर्ष ०७३÷७४ को ७ महिनाको अवधिमा ८ अर्ब ६ करोड ८३ लाख ९ हजार रुपैंया राजस्व संकलन भएको थियो । यस आवको हाल सम्म आयकर ७७ करोड ५५ लाख ६६ हजार रुपैंया, अन्तशुल्क ९ अर्ब ५ करोड ५९ लाख रुपैंया र भ्याट आन्तरिकबाट ६३ करोड ९७ लाख ४४ हजार रुपैंया राजस्व संकलन भएको छ ।

More Articles ...