भिमसेन बचत तथा ऋण सहकारी संस्थाको पांचौ बार्षिक साधारण सभा सम्पन्न

स्थानिय
Typography

कात्तिक २७ ।


भिमसेन बचत तथा ऋण सहकारी संस्था भरतपुर २ को पांचौ बार्षिक साधारण सभा सोमबार सम्पन्न भएको छ । संस्थाले आफ्नो साधारण सभाको अवसरमा विभिन्न विधामा शेयर सदस्यहरुलाइ सम्मान गरेको छ । ज्येष्ठ नागरिक २ जना, असल बचतकर्ता २ जना, असल ऋणी २ जना र आवधिक बचत कर्ता एवं असल बालबचत कर्ता १÷१ जना शेयर सदस्यलाइ सम्मान गरेको हो । कार्यक्रममा संस्थाका सचिव अशोक श्रेष्ठले प्रगति प्रतिवेदन र कोषाध्यक्ष गोविन्द प्रसाद श्रेष्ठले आर्थिक प्रतिवेदन प्रस्तुत गरेका थिए । अध्यक्ष दिपक शर्मा पौडेलको अध्यक्षतामा भएको कार्यक्रममा सहकारी प्रशिक्षण तथा डिभिजन कार्यालय भरतपुरका सहकारी निरिक्षक रामबाबु पौडेल, उद्योग बाणिज्य संघ चितवनका बरिष्ठ उपाध्यक्ष एवं संस्थाका सल्लाहकार राजु श्रेष्ठ लगायत विभिन्न सहकारी संस्थाका प्रतिनिधिहरुको सहभागिता रहेको थियो ।