स्मल हेभन मोडल स्कुलले अभिभावकहरुलाई परामर्श दियो

स्थानिय
Typography

कात्तिक २७ ।
भरतपुर २ आँपटारीमा रहेको स्मल हेभन मोडल स्कुलले अभिभावकहरुलाई परामर्श दिएको छ । विद्यालयले आफ्ना विद्यार्थीहरुका अभिभावकलाई परामर्श प्रदान गरेको हो । उक्त अभिभावक परामर्श कार्यक्रममा सहभागी भएका दुई सय भन्दा बढी अभिभावकलाई प्रशिक्षक रविन कटुवालले प्रशिक्षण दिएका थिए । कटुवालले वाल मनोविज्ञान, उनीहरुलाई कसरी लगनशील बनाउने भन्ने विषयमा अभिभावकहरुलाई प्रशिक्षण दिएका हुन् । सानै उमेरका बालबालिकाहरुदेखि नै अभिभावकले विशेष ख्याल गर्दै उनीहरुको पढाई प्रति चनाखो बनाउनुपर्ने कुटवालले बताए । कार्यक्रममा विद्यालयका संस्थापक अध्यक्ष एवम् भरतपुर महानगरपालिका वडा नम्बर २ का वडा अध्यक्ष पूर्ण बहादुर श्रेष्ठले बालबालिकाहरुलाई गाली गर्न नहुने उल्लेख गर्दै उनीहरुलाई रमाइलो वातावरणमा पढाउनुपर्ने बताएका छन् । उक्त परामर्श कार्यक्रम विद्यालयका कार्यकारी निर्देशक रामप्रसाद भट्टको अध्यक्षतामा सम्पन्न भएको थियो ।