प्रमुख समाचार

  • १३ औं जिल्ला स्तरिय तेक्वान्दो प्रतियोगिता गितानगरमा शुरु

    फागुन ११ । १३ औं जिल्ला स्तरिय तेक्वान्दो प्रतियोगिता शुक्रबारबाट गितानगरमा शुरु भएको छ । गीतानगर तेक्वान्दो डोजाङको आयोजना र राष्ट्रिय तेक्वान्दो संघ नेपालको समन्वयमा भएको प्रतियोगिता शनिबार सम्पन्न हुने छ । खेलको उद्घाटन गर्दै भरतपुर महानगरपालिका वडा नंं ६ का वडा अध्यक्ष हरि विलास कोइरालाले खेल...

    Read More ...

  • कलेजमा पनि ट्राफिक सचेतना कार्यक्रम

      चितवन, फागुन ११– भरतपुरका कलेजहरुमा पनि ट्राफिक सचेतना मुलक कार्यक्रमको सुरुवात गरिएको छ । शुक्रबार भरतपुरमा रहेका कलेजहरमा ट्राफिक चिन्ह अंकित बोर्ड राखेर ट्राफिक सचेतनाको सुरुवात गरिएको हो । कलेजहरुमा अध्ययन गर्ने धेरैजसो विद्यार्थीहरुले ट्राफिक नियमको पालना नगर्ने भएकाले कलेजहरुमा नै ट्राफिक नियम उल्लेखीत बोर्डहरु राखिएको हो । शुक्रबार...

    Read More ...

  • राप्ती र नारायणी नदीमा गोहीको गणना गरिँदै

    फागुन ११ । चितवन राष्ट्रिय निकुञ्जले आजदेखि गोहीको गणना सुरु गरेको छ । गोहीको अवस्था, संख्या र बासस्थानको बारेमा जानकारी लिनको लागि राप्ती र नारायणी नदीमा गोहीको गणना गरिँदैछ । निकुञ्जका सहायक संरक्षण अधिकृत नुरेन्द्र अर्यालका अनुसार दुई नदीलाई ११ भागमा विभाजन गरेर गोहीको गणना सुरु गरिएको हो ।...

    Read More ...

  • घरेलु मैदानमा भरतपुर फुटबल क्लबलाई हराउँदै सशस्त्र प्रहरीको नेपाल एपीएफ क्लब क्वाटर फाइलनमा प्रवेश

    फागुन १० । भरतपुर फुटबल क्लबलाई घरेलु मैदानमा हराउँदै सशस्त्र प्रहरीको नेपाल एपीएफ क्लब १३ औं विकाश रनिङ शिल्ड आमन्त्रण फुटबल प्रतियोगिताको क्वाटर फाइलनमा प्रवेश गरेको छ । बिहीबार भएको खेलमा नेपाल एपीएफ क्लबले भरतपुर फुटबल क्लबलाई १–० गोल अन्तरले पराजित गरेको हो । प्रतियोगिताको १० मिनेटमा नेपाल एपीएफ...

    Read More ...

Grid List

माघ २९ ।


भरतपुर ३ लायन्सचोकमा रहेको एभरेष्ट बचत तथा ऋण सहकारी संस्था लिमिटेडले शेयर सदस्यहरुसँग अन्तरक्रिया सम्पन्न गरेको छ । सोमबार भरतपुरमा भएको अन्तरक्रियामा नेफ्स्कुन सञ्चालक सदस्य भरतप्रसाद दवाडी प्रमुख अतिथि रहेका थिए । एभरेष्ट बचतले आफ्ना सदस्यहरुसँग गएर बचत संकलन गर्नाले सदस्यको मन जित्न सफल भएको दवाडीले बताए । सहकारीले छोटो समयमा नै धेरै जना सदस्य निर्माण गर्न सफल भएको भन्दै आगामी दिनमा संस्थाले थप प्रगति गर्दै अगाडि बढ्नुपर्ने दवाडीको भनाइ थियो । कार्यक्रममा एभरेष्ट बचत तथा ऋण सहकारी संस्था लिमिटेडले नेफ्स्कुन सञ्चालक भरत प्रसाद दवाडी, चितवन जिल्ला बचत संघका अध्यक्ष तेजेन्द्रबहादुर खड्का, सहकारी प्रशिक्षण तथा डिभिजन कार्यालय भरतपुरका प्रशिक्षक बाबुराम पौडेल, उद्योग वाणिज्य संघ चितवनका अध्यक्ष सहनलाल प्रधानसहित सम्पूर्ण निर्वाचित कार्यसमितिलाई स्वागत एवम् सम्मान गरेको एभरेष्ट बचत तथा ऋण सहकारी संस्थाका अध्यक्ष बालगोपाल चुकेले जानकारी दिए । सम्मान ग्रहण पछि सहनलाल प्रधानले सम्पूर्ण व्यवसायीको हक र हितको लागि काम गर्ने बताए । कार्यक्रम एभरेष्ट बचत तथा ऋण सहकारी संस्थाका अध्यक्ष बालगोपाल चुकेको अध्यक्षतामा भएको थियो ।


माघ २९ ।


भरतपुर २ क्षेत्रुपरमा रहेको विन्धवासिनी टोल विकास संस्थाको आठौँ वार्षिक साधारणसभा सम्पन्न भएको छ । संस्थाले सोमबार भरतपुरमा साधारणसभा सम्पन्न गरेको हो । आठौँ साधारणसभाका क्रममा भरतपुर महानगरपालिका वडा नम्बर २ का अध्यक्ष पूर्णबहादुर श्रेष्ठ प्रमुख अतिथि रहेका थिए । विन्धवासिनी टोल क्षेत्रपुरकै उत्कृष्ट टोल भएको श्रेष्ठले बताए । टोलले सामाजिक क्रियाकलापमा अगाडि बढ्दै विभिन्न रचनात्मक काम गरेको समेत श्रेष्ठले बताए । कार्यक्रमकोे अध्यक्ष एवम् विन्धवासिनी टोल विकास संस्थाका अध्यक्ष गोपाल दाहालले टोल बासीको वित्तीय आवश्यकता पूरा गर्नको लागि मासिक बचत कार्यक्रम सञ्चालन गरेको समेत बताए । बचत संकलन गरेर टोलका सदस्यहरुलाई आवश्यकता अनुसार ५० हजार रुपैयाँसम्म ऋण उपलब्ध गराउँदै आएको दाहालको भनाइ थियो । उक्त साधारणसभाका अवसरमा सचिव राजु विश्वकर्माले संस्थाको प्रगति प्रतिवेदन प्रस्तुत गरेका थिए भने कोषाध्यक्ष राज ताम्राकारले आर्थिक प्रतिवेदन प्रस्तुत गरेका थिए । कार्यक्रममा उपाध्यक्ष जयराम सिंहले स्वागत मन्तव्य राखेका थिए ।

माघ १३ ।


ईलामका कवि विमल वैद्यलाई चितवनमा सम्मान गरिएको छ । हाम्रो मझेरी साहित्य प्रतिष्ठान चितवनले शनिबार आयोजना गरेको टिकटमा मुक्तक कार्यक्रममा वैद्यलाई सम्मान गरिएको हो । कवि वैद्यलाई चितवनका साहित्यकार गोविन्दराज विनोदीले सम्मान गरेका दोसल्ला ओडाएर प्रमाणपत्रद्वारा सम्मान गरेका हुन् । उक्त कार्यक्रममा सम्मानित व्यक्तित्व कवि विमल वैद्यले पूर्वबाट साहित्यमा आफ्नो यात्रा अगाडि बढाउँदै गरेको व्यक्तिलाई चितवनले सम्मानित गर्दा ईलाम र चितवनबीचको साहित्यिक सम्बन्ध प्रगाढ बनेको बताए । ईलामले धेरै सर्जकहरु जन्माएको उल्लेख गर्दै वैद्यले भौतिक संरचनाको विकासले मात्रै मुलुक समृद्ध नहुने भएकाले साहित्यको समेत विकास हुनु आवश्यक रहेको बताए । प्रविधिको विकाससँगै नेपालको मौलिक कला र संस्कृतिमाथी विकृति बढ्दै गएकाले यसको रोकथामका लागि साहित्यकारहरुले पहल गर्नुपर्ने वैद्यको भनाइ थियो । उक्त कार्यक्रममा कवि गोविन्दराज विनोदी, वसन्त मोहन अधिकारी, आरआर चौलागाईँ, धनराज गिरीलगायतका स्रष्ठाहरुले शुभकामना मन्तव्य राखेका थिए । उक्त टिकटमा मुक्तक मेला २०७४ मा चितवन सहित नवलपरासी, मकवानपुर, रुपन्देही, कास्की, काठमाडौँलगायत देशका विभिन्न जिल्लाका २६ जना स्रष्ठाहरुले आफ्ना मुक्तक वाचन गरेका थिए । कार्यक्रम हाम्रो मझेरी साहित्य प्रतिष्ठानका अध्यक्ष पुष्प अधिकारी अञ्जलिको अध्यक्षतामा भएको थियो ।

चितवन , माघ १२ ।

चितवनको रत्ननगर नगरपालिका ७ सिसुवारका मुसहर समुदायहरुको लागी रोटरी क्लबले घर निर्माण गरिदिने भएको छ । गत साउनमा आएको वाढीबाट प्रभावित भएका उनीहरुलाई चितवन र गैडाकोटमा रहेका ६ वटा रोटरी क्लवहरुको पहलमा १२ वटा घर निर्माण गर्न लागिएको हो । घर निर्माणका लागि कुल लागतको ५० प्रतिशत रकम हस्तवहादुर भट्टराई स्मृति प्रतिष्ठानले प्रदान गर्नेछ । निर्माण गर्न लागिएको घरको शुक्रवार एक कार्यक्रमकाबीच रोटरी क्लव ३२९२ का डिष्ट्रिक गर्भनर सन्जय गिरी र प्रतिष्ठानकी संरक्षक पार्वती भट्टराईले सयुक्त रुपमा सिलान्यास गरे । घाम र पानी छेक्ने अवस्थाको घर नभएपछि विभिन्न दाताहरुको सहयोगमा पहिलो चरणमा १२ परिवारको लागी कुल ४० लाख लागतमा घर निर्माण गर्न लागिएको रोटरी क्लव ३२९२ का डिष्ट्रिक सहायक गर्भनर एवं निर्माण समितीका संयोजक राजेन्द्रकुमार श्रेष्ठले जानकारी दिए ।

 

प्रत्येक घरमा तीन वटा कोठा र शौचालय निर्माण गर्ने गरी शिलन्यास गरिएको घरहरु तिन महिना भित्र निर्माण सम्पन्न गरेर हस्तान्तरण गर्ने योजना रहेको रोटरी क्लव अफ रत्ननगरका अध्यक्ष बिष्णु शर्माले वताए । नेपाल परिवार हल्याण्ड नामक संस्थाले १५ कठ्ठा सात धुर जग्गा खरिद गरेर २७ जना मुसहरहरुको नाममा दर्ता रहेको जग्गामा घर निर्माण हुन लागेको हो ।


चितवन, माघ १२–


नवलपुरको गैंडाकोटमा रोटर्‍याक्टहरुको राष्ट्रिय सम्मेलन सुरु भएको छ । गैंडाकोटस्थित नारायणी रिसोर्टमा सुरु भएको सम्मेलनको रोटरी डिष्ट्रिक्ट ३२९२ का डिष्ट्रिक्ट गर्भनर सञ्जय गिरीले समुद्घाटन गर्नुभयो ।
आज पहिलो दिन विविध कार्यक्रमहरु भएका छन् । आज भएको रोटर्‍याक्ट हाजिरी जवाफ प्रतियोगितामा रोटर्‍याक्ट क्लव अफ पर्वत प्रथम भएको छ । यस्तै आज साँस्कृतिक कार्यक्रमहरु समेत भएको छ । सम्मेलनको दोस्रो दिन भोली उद्योग वाणिज्य संघ चितवन नारायणगढबाट जनचेतना मुलक पोलियो र्‍याली निकालिने छ भने भोली नै वृक्षरोपण कार्यक्रमलगायत सांगीतिक कार्यक्रमहरु रहेको जोनल रोटर्‍याक्ट प्रतिनिधि विष्णुकान्त काफ्लेले जानकारी दिनुभयो ।
सम्मेलनमा सहभागि हुन रोटर्‍याक्ट डिष्ट्रिक्ट ३२९२ नेपाल–भुटानमा रहेका १२२ क्लवका करिव ९ सय रोटर्‍याक्टरहरुको सहभागिता रहेको रोटर्‍याक्ट क्लव अफ चितवनका अध्यक्ष जनक कुमार ढकालले जानकारी दिनुभयो ।
सम्मेलनको मूख्य आयोजना रोटर्‍याक्ट डिष्ट्रिक्ट कमिटिले गरेको भने स्थानीय आयोजक क्लवको रुपमा रोटर्‍याक्ट क्लव अफ भरतपुर, रोट¥याक्ट क्लव अफ चितवन, रोटर्‍याक्ट क्लव अफ रुद्रमती बबरमहल रहेका छन् । यस्तै जोन २ अन्तरगतका सबै क्लवहरु सह–आयोजकको रुपमा रहेका छन् ।
कार्यक्रमलाई सफल बनाउन ग्रेस इन्टरनेशनल कन्सलटेन्सी, सुजुकी मोटरसाईक, कङगारु एजुकेशनले प्रायोजना गरेको छन् भने चितवनका सबै ६ वटा रोटरी क्लवहरुले सहयोग गरेका छन् ।

नेपाली कथानक चलचित्र साली कस्को भेनाको मंगलबार चितवनमा शुभ मुर्हुत गरिएको छ । मुभिङ पिक्चर्स प्रा.लि द्धारा निर्मीत चलचित्र साली कस्को भेनाको बरिष्ठ कलाकार रिद्धिचरण श्रेष्ठले क्याल्प हानेर शुभ मुहुर्त गर्नुभएको हो । शुभ मुहर्त निर्देशक भद्र भुजेलले निर्देशन गर्नुभएको थियो । उद्योग बाणिज्य संघ चितवनका पुर्ब अध्यक्ष उत्तमलाल चुकेले क्यामराको स्विच अन गर्नुभएको थियो भने लेखक पुष्प आचार्यले नरिवल फुटाएपछि चलचित्रकी नायीका मरिष्का पोख्रेल र नबनायक देब सागर बि.सीले शुभ मुर्हुतमा चलचित्रको संबाद प्रस्तुत गर्नुभएको थियो ।
शुभ मुर्हुतमा बोल्दै बरिष्ठ कलाकार रिद्धिचरण श्रेष्ठले चितवन चलचित्र नगरी रहेको बताउनुभयो । यहा प्र्राकृतिक मनोमहक दृश्य पहाड , डाडा काडा र समथर भुभाग सबै रहेकोले चितवन खुल्ला स्टुडियो नै रहेको उल्लेख गर्नुभयो । प्रमुख अतिथि समेत रहनुभएका बरिष्ठ कलाकार श्रेष्ठले चलचित्र सफल होस भन्ने शुभकामना समेत व्यक्त गर्नुभएको छ । चलचित्रको मंगलबार (माघ २) गतेदेखी छायांकन सुरु गरिएको चलचित्र युनिटले जानकारी दिएको छ । पुराना चलचित्र निर्माता प्रसाद श्रेष्ठको प्रस्तुतीमा चलचित्र बन्दैछ । शुभमुर्हुत कार्यक्रममा बोल्दै उहाले अनुभवी र खारिएका प्राबिधिक समुह देखी अन्य सबै पक्ष सबल रहेको चलचित्र उत्कृष्ट बन्ने बताउनुभयो । उहाले यसअघि कान्छी, सन्तान, कर्जा जस्ता सफल चलचित्र निर्माण गरिसक्नुभएको छ ।
यो चलचित्र चितवन र धम्पुसका विभिन्न स्थानमा छायांकन गरिने छ । पुष्प आचार्यको कथा रहको चलचित्रमा प्रसाद श्रेष्ठ ,सुरज शाही ठकुरी र मिन घलानको संगीत समावेश छ । चलचित्रमा विल्सन विक्रम राई, सुष्मा कार्की, मरिष्का पोख्रेल, रजनी गुरुङ, बुद्धि तामाङ (हैट), रबि गिरी, बिरेन श्रेष्ठ, प्रिया रिजाल, जयनन्द लामा, कविता आले, मिन घलान लगायतको अभिनय रहनेछ । देब सागर बि.सी यो चलचिबाट रजतपटमा प्रवेश गर्दैछन् । मानविय संवेदनामाथि निर्माण हुन लागेको चलचित्र पूर्ण रुपमा पारिवारिक कमेडी कथामा निर्माण हुनेछ । मगर जातीको संकृतिमा साली र भेनाको सम्बन्धलाई चलचित्रमा देखाइनेछ । दिर्घ गुरुङको छायांकन रहने चलचित्रमा बसन्त श्रेष्ठ, गम्भिर विष्ट र सुमित लामाको नृत्य रहेनछ । चलचित्रमा द्धन्द्ध निर्देशन रबि बराली र प्रकाश कर्मचार्यको रहने छ । विशाल श्रेष्ठ, उमेश अधिकारी र मुक्ति अधिकारीे चलचित्रको निर्माताहरु हुनुहुन्छ । चलचित्रमा लगानी १ करोड माथीको हुने जनाईएको छ । मुभिङ पिक्चर्स प्रा लि प्रबन्ध निर्देशक सुशिल गोपाल न्यात्स्यो, उद्योग बाणिज्य संघ चितवनका पुर्ब अध्यक्ष उत्तमलाल चुके लगायतको उपस्थिति रहेको थियो ।